Á meðan Íslendingar vilja helst stytta vinnuvikuna úr 40 klukkustundum á viku niður í 35 heldur frumkvöðullinn Elon Musk því fram fólk þurfi að vinna töluvert meira til þess að geta breytt heiminum. Segir Musk í athugasemd á Twitter að fólk þurfi að vinna að minnsta kosti 80 klukkustundir á viku til að breyta heiminum.
Bætir hann við í fleiri tístum að enginn hafi breytt heiminum með því að vinna aðeins 40 klukkutíma á viku og ef fólk elski vinnuna sína líði því oftast ekki eins og það sé að vinna þegar það er í vinnunni.
Ekki eru allir sammála stofnanda bílaframleiðandans Tesla og er afkastageta fólks tekin sem dæmi því til stuðnings. Aðrir benda á að foreldrahlutverkið taki sinn tíma og líta svo á að með góðu uppeldi sé fólk að breyta heiminum.