Dýrleg sítrónubaka
Jólamatur.
Morgunblaðið/Kristinn Magnússon
Setja bókamerki
Gunnlaugur Arnar Ingason, Gulli Arnar, rekur bakarí í Hafnarfirði en hann lærði eftirrétta- og kökugerð í Kaupmannahöfn.
„Eftirréttirnir okkar hafa skapað sér fastan sess í bakaríinu og það seljast hundruð eftirrétta á viku,“ segir Gulli Arnar og lætur hér fylgja með uppskrift að dýrlegri sítrónuböku.
Bökubotn
- 200 g sykur
- 400 g smjör
- 30 g eggjarauður
- 50 g egg
- 600 g hveiti
Aðferð:
- Blandið saman sykri og smjöri og bætið eggjum við.
- Setjið hveiti saman við og hnoðið saman.
- Gott er að kæla deigið áður en það er flatt út í tartform.
- Bakið við 180 gráður í 10-12 mínútur eða þar til það er gullinbrúnt.
Lemon curd
- 4 g matarlím
- 300 g gerilsneyddar eggjarauður
- 210 g sítrónusafi
- 240 g sykur
- 60 g smjör
Aðferð:
- Leggið matarlím í bleyti.
- Hrærið saman eggjarauður og sykur.
- Hitið sítrónusafa upp og hellið í mjórri bunu yfir eggjablönduna meðan hrært er.
- Setjið blönduna aftur í pottinn og hitið við mjög vægan hita meðan hrært er upp í um 85 gráður.
- Hrærið matarlím út í kremið.
- Hellið sítrónukreminu í bökuskelina og kælið, ef til vill yfir nótt.
Ítalskur marens
- 100 g vatn
- 400 g sykur
- 200 g eggjahvítur
Aðferð:
- Þeytið eggjahvítur.
- Sjóðið sykur og vatn saman í síróp við um það bil 120 gráður.
- Hellið sírópinu í mjórri bunu út í eggjahvíturnar meðan þeytt er.
- Stífþeytið og smyrjið marensinum yfir kremið og brennið með gasbrennara.
Þessa uppskrift, sem og aðrar, má finna í blaðinu Hátíðarmat frá Hagkaup sem er hér.
Gulli arnar bakari. Merking: Morgunblaðið/Kristinn Magnússon
Morgunblaðið/Kristinn Magnússon
„Byggja varnargarð utan um fólkið okkar“
Stjórnvöld hafa tvo mánuði til að bregðast við
Ótímabundin leyfi verði líklega ekki gefin út
Móðirin sögð hafa játað að verða syni sínum að bana
Átta létust og 229 slösuðust alvarlega
90% samþykktu verkfallsaðgerðir