Matur | mbl | 10.10.2022 | 11:01

Hin fullkomna mánudagssúpa

Ljósmynd/Berglind Guðmundsdóttir

„Þessi súpa er í miklu uppáhaldi og er hin fullkomna mánudagssúpa, því að hún er svo frábær kostur þegar maður kemur heim eftir langan vinnudag, nennir ekki að elda en langar samt í eitthvað gott. Súpan er fáránlega auðveld en bragðast eins og súpa á bestu veitingastöðum. Ég mæli með því að gera sér ferð í asískar verslanir og kaupa gott karrýmauk,“ segir Berglind Guðmunds á GRGS.is um þessa æðislegu súpu sem hittir alltaf í mark.

Asísk núðluspúpa með kjúkling og grænu karrí

1 msk. olía
2 skarlottlaukar, þunnt skornir
1 msk. fínrifið engifer
2 msk. grænt karrýmauk
950 ml kjúklingasoð (eða vatn og 1-2 msk kjúklingakraftur)
1 dós kókosmjólk
2 msk. fiskisósa (fish sauce)
4 tsk. púðursykur
safi úr 1 límónu (lime)
1/2 tsk. turmeric

Annað:

100 g þunnar hrísgrjónanúðlur
1/2 eldaður kjúklingur, rifinn niður með gaffli
1 búnt kóríander, saxað
4 vorlaukar, þunnt skornir
chilísósa
límóna skorin í báta

Aðferð:

Hitið olíu í potti við miðlungshita og steikið skarlottlauk og engifer í 2-3 mínútur.
Bætið grænu karrý saman við og steikið í 1 mínútur.
Látið kjúklingasoð, kókosmjólk, fiskisósu, púðursykur, límónusafa og turmeric saman við og látið malla í 5 mínútur.
Sjóðið núðlur samkvæmt leiðbeiningum á pakkningu.
Smakkið súpuna til og bætið við að eigin smekk.
Látið núðlur og kjúkling í skálar og toppið með kóríander, vorlauk og toppið jafnvel með smá chilísósu (ég notaði rautt chilí).