Vorið og sumarið mun taka vel á móti okkur í ár, miðað við alla þessa glaðlegu liti sem við sjáum frá HAY. En það er þekkt fyrir að koma með litríkar nýjungar ár hvert og engin undantekning þar í ár.

Eitt af því sem við elskum að sjá frá HAY eru litlar skeiðar með skrautlegum handföngum – ýmist röndóttar, doppóttar eða einlitar. Skeiðarnar eru frábærar í saltkarið, fyrir kaffið, kökuna eða hvað sem er, þar sem þær koma í mismunandi stærðum.

Önnur nýjung eru tvílit sogrör í alls kyns litum – en rörin koma fjögur í pakka og þeim fylgir einnig bursti til að þrífa svo hægt er að nota þau aftur og aftur. Eins sjáum við ný skurðarbretti í þremur litum og stærðum, ásamt vatnsbrúsa sem kemur í tveimur stærðum, eða 0,9 l og 1,5 l – framleiddir úr BPA- og BPS-fríu plasti. Fullkomnir til að auka vatnsdrykkju yfir daginn, sem margir mættu gera meira af.