Vitra hefur kynnt nýja sumarlínu í bökkum, bollum, servíettum og öðru eins sem tilheyrir eldhúsinu. Vörulínan er hreint út sagt „sjúklega sæt“ ef svo má að orði komast og dregur hugann beint á suðræna strönd.

Munstrin í nýju vörunum vekja svo sannarlega tilfinningar um hita, sól og sand. Þar sem sjávarniður á sólríkum sumardegi er í forgrunni. Hér eru litlar lífverur teiknaðar af Ray Eames sem skreyta vörurnar. Teikningarnar eru frá árinu 1945 og endurspegla það skrautlega líf sem á sér stað í undirdjúpunum – krossfiskar, marglyttur og alls kyns aðrar verur.

Það skemmtilega við nýjungarnar er að það er alveg sama hvernig þú kemur til með að snúa t.d. servíettunni – þá mun munstrið virka á alla vegu þar sem það hálfpartinn flýtur um yfirborðið.

Til gamans má geta að Ray Eames tók þátt í samkeppni árið 1947 með þessu ákveðna sjávarmunstri og öðru munstri sem kallast „Crosspatch“ – samkeppni sem var á vegum New York Museum of Modern Art. Munstrið hlaut mikið lof og var í kjölfarið með í sýningunni „Printed Textiles for the Home“.

Munstrið er hannað af Ray Eames árið 1945. mbl.is/© Eames Office, LLC

Hönnuðurnir Ray og Charles Eames. mbl.is/© Eames Office, LLC

Tengdar fréttir

Huggulegheit

Svana skreytir með eilífðarblómum og páskaföndri eftir börnin

• Stroganoff að hætti Húsó á vel við í dymbilvikunni
• Bakað lambalæri með bernaise og grænmeti á einfalda mátann
• Gratínerað gnocchi með hakki og ostasósu
• Ómótstæðilegar nýjungar frá FERM Living

» Fleiri tengdar fréttir

Daglegt líf

Það sem stórstjörnurnar elska að borða

• Það besta sem bæjarstjórarnir fá
• Áslaug fær sér harðfisk með tabasco-sósu
• Gripið og greitt ný sjálfafgreiðslulausn í Bónus
• Þetta er kakan sem Kristrún bauð Frederiksen upp á

» Fleiri tengdar fréttir

• Blogga um frétt