Marineraður lax með dressingu (fyrir 4)

• Sirka 800 g lax

Marinering:

• 3 msk. kikkoman-sojasósa
• 2 msk. hunang
• Safi og rifinn börkur úr ½ sítrónu

Bakað salat:

• 1 kg gulrætur
• 1 msk. ólífuolía
• Salt og pipar
• 2 dl grænar linsubaunir

Hvítlauksdressing:

• 1 stórt hvítlauksrif
• 1 dl hrein jógúrt
• 2 msk. ólífuolía
• 1 tsk. hunang
• Safi og rifinn börkur úr ½ sítrónu
• Salt og pipar

Annað:

• 50 g möndlur
• Handfyllli fersk steinselja

Aðferð:

Marinering:

1. Blandið sojasósu, hunangi, rifnum sítrónuberki og ferskum sítrónusafa í skál.
2. Leggið laxinn með roðið niður á við í smurt eldfast mót og makið marineringunni yfir laxinn. Setjið í kæli í minnsta kosti 30 mínútur og allt upp í 24 tíma.

Bakað salat:

1. Hitið ofninn í 175°C.
2. Skrælið gulræturnar og skerið í grófar skífur. Veltið þeim upp úr olíu og dreifið á bökunarpappír á bökunarplötu. Kryddið með salti og pipar og bakið í 30 mínútur þar til mjúkar.
3. Sjóðið linsubaunirnar samkvæmt leiðbeiningum á pakka.

Hvítlauksdressing:

1. Pressið hvítlaukinn og blandið öllum hráefnum saman í dressingu.

Samsetning:

1. Bakið laxinn í ofni í 10 mínútur. Takið fatið út og penslið aftur yfir með marineringunni á botninum á fatinu. Bakið áfram í ofni í 10 mínútur.
2. Blandið saman linsubaununum við gulræturnar og hellið dressingu yfir.
3. Ristið möndlurnar létt á þurri pönnu og saxið gróflega.
4. Dreifið ristuðum möndlum og saxaðri steinselju yfir salatið og laxinn og berið fram.