Myndir: Reynir við heimsmet í Hlíðarfjalli í dag
Setja bókamerki
Í dag reynir japanskur skíðastökkvari við heimsmet í Hlíðarfjalli í samstarfi við drykkjarvöruframleiðandann Red Bull.
Heimsmetið í skíðastökki er 253,3 metrar en mun hann reyna að stökkva yfir 300 metra. Heimildir mbl.is herma að maðurinn muni stökkva nokkrum sinnum í dag, en ljósmyndari mbl.is náði myndum af einni tilraun hans.
Japanski skíðastökkvarinn Ryōyū Kobayashi er eini japanski karlmaðurinn með samning við Red Bull í skíðastökki og því ekki ólíklegt að um hann sé að ræða. Hann er margverðlaunaður skíðastökkvari sem og heimsmeistari.
Mikil leynd ríkir um gang mála
Mikil leynd ríkir yfir þessu öllu saman og erfitt reynist að fá upplýsingar um gang mála. Á næstu dögum verður kynnt hvort heimsmetið hafi verið slegið, að því er heimildir mbl.is herma.
Red Bull er þekkt fyrir að markaðssetja orkudrykkinn sinn með því að fá ofurhuga til að sýna færni sína í jaðaríþróttum og útivist með hinum ýmsu áhættuatriðum.
Móðirin sögð hafa játað að verða syni sínum að bana
90% samþykktu verkfallsaðgerðir
Ráðherrar taki „lúku úr ríkiskassanum“
Afkoma borgarinnar 13 milljörðum undir áætlun
Stofna framkvæmdanefnd um málefni Grindavíkur
Stjórnvöld hafa tvo mánuði til að bregðast við
Framboð Viktors metið gilt
Dómari vanhæfur í Hvammsvirkjunarmáli
