Áverkar bentu til manndráps
Setja bókamerki
Lögreglan segir að áverkar á karlmanni á fertugsaldri, sem er frá Litháen, hafi leitt til grunsemda um að andlát hans í sumarbústað í Kiðjabergi á Suðurlandi hafi borið að með saknæmum hætti.
Fjórir hafa verið handteknir vegna málsins og hafa verið úrskurðaðir í gæsluvarðhald. Tveir fram á miðvikudag og tveir í átta daga gæsluvarðhald sem lýkur 30. apríl. Þrír mannanna hafa kært gæsluvarðhaldsúrskurðinn til Landsréttar en einn ekki.
Tjáir sig ekki um játningu
Jón Gunnar Þórhallsson, yfirlögregluþjónn hjá hjá lögreglunni á Suðurlandi, tjáir sig ekki um það hvort játning liggur fyrir í málinu eða ekki.
„Það er eitthvað sem ég get ekki tjáð mig um,“ segir hann í samtali við mbl.is.
Jón Gunnar segir að upphaflega hafi borist tilkynning um meðvitundarlausan mann. Áverkar á manninum bentu hins vegar til þess að andlátið hafi borið að með saknæmum hætti.
„Eitt af því sem benti til þess að um manndráp væri að ræða eru áverkar á hinum látna.“
Vettvangsrannsókn stendur enn yfir
Hann segir eitt af því sem sé til rannsóknar sé hvort ölvun hafi átt hlut í máli en vettvangsrannsókn er ekki lokið að sögn Jón Gunnars.
Á vef RÚV segir að sakborningarnir hafi verið að byggja bústað í Kiðjabergi. Við hlið lóðarinnar var leigður bústaður undir starfsfólk þar sem það hafði afdrep á meðan smíði bústaðarins stóð.
90% samþykktu verkfallsaðgerðir
„Eyddi nánast allri nóttina í þetta“
Dómari vanhæfur í Hvammsvirkjunarmáli
Tveir milljarðar tapast vegna vatnsskorts
Olíufélögin fái milljarða í afslátt frá borginni
„Byggja varnargarð utan um fólkið okkar“
Stofna framkvæmdanefnd um málefni Grindavíkur