„Ríkisstjórn Íslands til ævarandi skammar“

„Eftir mínum bestu upplýsingum þá eru 99% líkur á að íslenskum stjórnvöldum sé búið að takast að koma í veg fyrir gjaldeyrisöflun upp á 3 milljarða vegna hvalveiða þetta árið.“

Þetta segir Vilhjálmur Birgisson, formaður Starfsgreinasambandsins og formaður Verkalýðsfélags Akraness, í færslu á Facebook.

Hvalur er fallinn á tíma

„Það er þyngra en tárum taki að stjórnvöld (matvælaráðneytið) skuli með klækjum og seinagangi koma í veg fyrir að Hvalur sjái sér fært að fara á hvalveiðar. Matvælaráðuneytið hefur dregið lappirnar frá janúar með að svara Hval hvort leyfið verði gefið út og nú er svo komið að Hvalur er fallinn á tíma enda þarf fyrirtækið að panta aðföng og búnað erlendis frá sem og ráða til sín starfsfólk,“ segir Vilhjálmur ennfremur í færslu sinni.

Vilhjálmur segir það með algjörum ólíkindum að Sjálfstæðisflokkurinn sem kennir sig við að standa vörð um frelsi skuli ekki verja eina af mikilvægustu greinunum í stjórnarskránni sem er atvinnufrelsi fyrirtækja og einstaklinga. Þá segir hann að þögn Framsóknarflokksins hvað varðar hvalveiðar sé einnig ærandi og segist hættur að átta sig á fyrir hvað flokkurinn standi.

Öll fyrirtæki þurfa fyrirsjáanleika

• Blogga um frétt