Talsvert hefur snjóað á sunnanverðu landinu í kvöld og varar Vegagerðin við því að hálka og krapi hafi myndast á mörgum leiðum.
Ökumenn sem eru komnir á sumardekk eru sérstaklega hvattir til að aka varlega en fram kemur á umferdin.is að það sé krapi og snjókoma á Hellisheiði og í Þrengslum, hálka á Mosfellsheiði og á Lyngdalsheiði og snjóþekja er á Kjósarskarðsvegi.
Þæfingsfærð og skafrenningur er á Fróðárheiði en hálkublettir og éljagangur nokkuð víða á Snæfellsnesi. Einnig er snjóþekja og éljagangur á Vatnaleið, Holtavöðuheiði og Bröttubrekku.