Mygla greindist undir gólfdúk í leikskólanum Hagaborg við Fornhaga í Reykjavík á dögunum. Svo virðist sem myglan sé staðbundin, til þess benda mælingar á ryksýnum.

Brugðist var við með mótvægisaðgerðum, allt var þrifið í hólf og gólf og lofthreinsitækjum komið fyrir til að bæta innivist.

Vinna er hafin við undirbúning framkvæmda í leikskólanum, sem skv. upplýsingum frá skrifstofu skóla- og frístundasviðs Reykjavíkur þykir orðið tímabært en skólinn hefur verið starfræktur í núverandi húsnæði í 63 ár. Farið verður í endurnýjun og endurbætur á húsnæðinu en áður þarf að hanna, afla leyfa, undirbúa útboð og fleira. 

Tengdar fréttir

Mygla í húsnæði

Fiskistofa lokar starfsstöð eftir að mygla fannst

• Kostnaður meiri en milljón á fermetra
• Margar ríkiseignir úr leik vegna myglu
• Rakaskemmdir í ókláruðum leikskóla
• Ósátt við 172 milljóna „bakreikning“

» Fleiri tengdar fréttir