Búast má við fleiri og sterkari hrinum
Setja bókamerki
Benedikt Gunnar Ófeigsson, sérfræðingur á sviði jarðskorpuhreyfinga hjá Veðurstofu Íslands, segir mikla virkni við Kötlu tengjast jarðhitavirkni. Það sé vel þekkt að Katla „taki kippi“ en menn séu þó alltaf á tánum.
„Mjög mikið af þessari virkni tengist jarðhitavirkni, það virðist vera það, við sjáum oft jarðhitavatn koma niður í til dæmis Múlakvísl í kjölfarið á svona hrinum,“ segir Benedikt í samtali við mbl.is.
Jarðskjálfti af stærðinni 3,1 varð í Mýrdalsjökli rétt fyrir klukkan 23 í gærkvöldi, en fyrir helgi hófst skjálftahrina á svæðinu. Undir Mýrdalsjökli er eldstöðin Katla, sem er ein stærsta og virkasta megineldstöð landsins.
Frekari virkni í sumar
„Katla er ansi virk núna. Við höfum alveg séð þetta áður, hún tekur svona kippi. Þetta er ekkert nýtt en menn eru náttúrulega alltaf á tánum gagnvart Kötlu. Hún gaus fyrir meira en hundrað árum og hún hefur verið að gjósa á fimmtíu til hundrað ára fresti.“
Hann segir að búast megi við frekari virkni í sumar.
„Miðað við hvernig hún er búin að vera núna í vor þá er þetta svona forboði um að það verði ansi líflegt þar í sumar. Eftir því sem hlýnar má búast við fleiri og sterkari hrinum.“
„Miklar líkur á rýmingu á næstu sólarhringum“
„Gleymum því ekki að okkar vali fylgir ábyrgð“
Næsta eldgos fær mikið forskot
Magnús Tumi: Gýs líklega á næstu dögum
María Sigrún svarar Degi fullum hálsi
Skuldahalinn lengist í Reykjavík
Hvernig er vitað að þessi kona átti þetta barn?
Þurfa að taka myndir áður en goslokum er lýst yfir