Benjamin Achmeir, 14 ára gamall Ísraeli, hefur verið leitað síðan í gær en fannst í dag myrtur á Vesturbakkanum. Hvarf hans olli mikilli reiði meðal Ísraelsmanna og gerðu sumir landnemar árás á palestínskt þorp í kjölfar fregna um hvarf hans.

„Ógeðfellt morð þessa drengs er alvarlegur glæpur,“ sagði Benjamín Netanjahú, forsætisráðherra Ísraels, í tilkynningu í dag.

Ísraelsk lögregluyfirvöld ásamt hundruð sjálfboðaliða leituðu að drengnum og fannst lík hans nálægt borginni Ramallah fyrr í dag.

Ísraelskar öryggissveitir og sjálfboðaliðar leituðu að drengnum þar til hann fannst fyrr í dag látinn. AFP/Jaafar Ashtiyeh

Landnemar réðust á palestínskt þorp

Leitarhópur ísrealskra landnema gerði árás á þorp á Vesturbakkanum þar sem einn var myrtur, að sögn heilbrigðisráðuneytis Palestínu. 

Yoav Gallant, varnarmálaráðherra Ísraels, varaði við hefndarárásum landnema og sagði þeim að halda aftur af sér.

„Leyfið öryggissveitunum að bregðast skjótt við í leitinni að hryðjuverkamönnunum. Hefndaraðgerðir munu gera okkar mönnum erfitt fyrir í verkefni sínu, það má ekki gerast að fólk taki lögin í eigin hendur,“ sagði hann.

AFP segir frá 

Tengdar fréttir

Ísrael/Palestína

Kólumbía slítur stjórnmálasamstarfi við Ísrael

• Blinken heimsótti Gasa
• 300 handtekin í mótmælum við Columbia-háskóla
• „Stjórnvöld láti af sjúklegri undirgefni sinni“
• Hörð átök á milli nemenda og táragasi beitt

» Fleiri tengdar fréttir

• Blogga um frétt