Fékk dróna og skotheld vesti frá Rússum
Setja bókamerki
Tengdar fréttir
Norður-Kórea
/frimg/1/48/79/1487950.jpg)
Kim Jong-un, leiðtogi Norður-Kóreu, yfirgaf Rússland í dag í brynvarinni lest sinni eftir sex daga heimsókn.
Kim átti fundi með Vladimír Pútín, forseta Rússlands, og ýttu viðræður leiðtoganna undir ótta vestrænna ríkja um að Norður-Kórea sé reiðubúið að útvega Rússum vopn sem þeir geta notað í stríðinu við Úkraínu.
Þetta var fyrsta ferð leiðtogans frá Norður-Kóreu í fjögur ár en þeir Pútín ræddu saman í Vostochny-geimferðastöðinni, sem er í austurhluta landsins. Umræðuefni leiðtoganna, sem er vel til vina, var hernaðarsamvinna þjóðanna.
Sækjast eftir samstarfi
Rússar hafa sóst eftir vopnum frá Norður-Kóreumönnum og á móti eru Rússar sagðir reiðbúnir að aðstoða Norður-Kóreu við þróun gervihnatta.
Rætt hefur verið um að aðal tilgangur heimsóknar Kim til Rússlands hafi verið vopnasölusamningar en leiðtogarnir létu hafa eftir sér að engir slíkir samningar hafi verið gerðir.
Sergei Lavrov, utanríkisráðherra Rússa, sagði í viðtali við rússneska ríkissjónvarpið í dag að Rússar muni sækjast eftir samstarfi við Norður-Kóreu þrátt fyrir refsiaðgerðir Sameinuðu þjóðanna.
„Við boðuðum ekki refsiaðgerðir gegn Norður-Kóreu, en það gerði öryggisráðið,“ sagði Lavrov.
Nýtt tímabil vináttu
Kim heimsótti einnig Vladívostok og átti þar fund með Sergei Sjoígú, varnarmálaráðherra Rússlands, og áður en hann hélt af stað frá borginni voru honum afhentir fimm sprengjudrónar, njósnadrónar og skotheld vesti að gjöf frá landstjóra Primorye-héraðsins, sem liggur að Kína og Norður-Kóreu.
Norðurkóreska fréttastofan KCNA hefur lýst heimsókn Kim til Rússlands sem afar hlýlegri og að nýtt tímabil vináttu, samstöðu og samvinnu sé að hefjast á milli Norður-Kóreu og Rússlands.
Tengdar fréttir
Norður-Kórea
Ók á ofsahraða á móti umferð og uppi á stétt
Forsetinn líti yfir axlirnar á þingheimi
Færri nota rafhlaupahjól eftir djammið
Ólíkt ákall fólks á landsbyggðinni
Gosopið gæti stækkað á ný: „Eitthvað í aðsigi“
Fjöldi brota ríflega sexfaldaðist
Breytingar á skipulagi fréttadeildar RÚV
Rothissa á vinnubrögðum forystu BÍ