Forsprakki hljómsveitarinnar Sturlu Atlas, Sigurbjartur Sturla Atlason, mun spreyta sig á nýjum tónlistarstíl í vetur en hann mun fara með hlutverk í Toscu í uppsetningu Íslensku óperunnar.
Sigurbjartur er ekki bara vinsæll tónlistarmaður heldur er hann einnig menntaður leikari og fram kemur á heimasíðu óperunnar að þetta sé í annað sinn sem hann stígur á svið með Íslensku óperunni. Hann lék þögult hlutverk í Évgení Onegin eftir Tchaikovskí árið 2016.
Í þetta sinn fær Sigurbjartur hinsvegar að þenja raddböndin og fer hann hlutverk smala í Toscu sem syngur aríuna Io de sospiri te ne rimanno tanti.