Hjónin Arna Ýr Jónsdóttir, fegurðardrottning og hjúkrunarfræðinemi, og Vignir Þór Bollason kírópraktor, eignuðust sitt þriðja barn, stúlku, á miðvikudag. Þau tilkynntu um komu barnsins á Instagram.
Fæðingin var heimafæðing, en Arna Ýr eignaðist dóttur sína í uppblásinni sundlaug heima í stofu.
„Sólarhringur með stúlkunni okkar sem fæddist heima í faðmi fjölskyldunnar í gærkveldi kl 21. Fæðingin var draumi líkast en 14 marka daman mætti svo friðsæl í heiminn þrátt fyrir mjög hraðan aðdraganda. Við erum orðlaus, hamingjusöm og þakklát.“
Þetta er þriðja barn hjónanna sem giftu sig í fyrrasumar. Fyrir eiga þau eina dóttur sem kom í heiminn 2019 og son sem kom í heiminn 2021 en eldri börnin tvö eiga sama afmælisdag.
Fjölskylduvefur mbl.is óskar hjónunum til hamingju með barnalánið!