Ný útgáfa af einum frægasta stól heims
Setja bókamerki
Í tilefni af 110 ára afmæli danska húsgagnahönnuðarins Hans J. Wegner hefur húsgagnaframleiðandinn Carl Hansen & Søn afhjúpað nýja útgáfu af hinum geysivinsæla CH24-stól, einnig þekktur sem Wishbone-stóllinn eða Y-stóllinn, í minni stærð sem hentar framtíðar hönnunarunnendum.
Wegner er einn fremsti og þekktasti húsgagnahönnuður heims og hannaði á ferli sínum yfir 500 stóla sem margir hverjir eru heimsþekktir. Vinsælasti stóllinn er þó án efa CH24-stóllinn sem kom fyrst á markað árið 1950 og hefur verið óslitið í framleiðslu síðan þá.
Að mati margra er CH24-stóllinn einn fegursti stóll heims. Hann hefur heillað ófáa Íslendinga upp úr skónum í gegnum tíðina, en árið 2023 var hann mest seldi stóllinn í hönnunarversluninni Epal.
Lengi verið draumur að hanna minni útgáfu af Y-stólnum
CH24-barnastóllinn hentar börnum þriggja ára og eldri og kemur í sölu í apríl 2024. Hann mun án efa fegra ófá barnaherbergi í framtíðinni, enda klassísk og tímalaus hönnun sem stenst tímans tönn.
„Okkur hefur dreymt um að búa til barnastærð af hinum goðsagnakennda Wishbone-stól í mörg ár og erum ánægð með útkomuna. Þessi minni útgáfa af stólnum passar fullkomlega við önnur húsgögn á heimilinu og er tilvalin gjafahugmynd fyrir framtíðarhönnunarunnendur,“ segir Knud Erik Hansen, forstjóri Carl Hansen & Søn í fréttatilkynningu frá fyrirtækinu.
„Höfum ekki náð að skríða upp úr þeirri gryfju“
Frambjóðendur skila inn listum í Hörpu
Væri að ljúga ef ég segðist ekki stressaður
/frimg/1/48/74/1487454.jpg)
Heldur inn í nóttina tuttugu kílóum léttari
Breytingar á skipulagi fréttadeildar RÚV
Rothissa á vinnubrögðum forystu BÍ
Nemendur í HÍ reistu tjaldbúðir án leyfis
Hvorki sést áður hér á landi né annars staðar