Leikkonan Saga Garðarsdóttir og tónlistarmaðurinn Snorri Helgason eignuðust sitt annað barn, dreng, snemma á árinu. Hjónin hafa ekki birt myndir af drengnum á samfélagsmiðlum en Saga var dugleg að deila myndum af vaxandi óléttukúlu sinni í gegnum meðgöngutímabilið.
Leikkonan rifjaði upp „gamlar“ minningar frá síðustu vikum seinni meðgöngu sinnar og póstaði skemmtilegri myndaseríu á Instagram.
„Fyrir tveimur mánuðum eignaðist ég svo fallegt barn að ég hef ekki litið af því. Áður en það gerðist fórum við Magnús Leifsson í gönguferð á Þorláksmessu,“ skrifaði Saga við færsluna.
Saga og Snorri hafa verið saman frá árinu 2014, en þau gengu í það heilaga á Suðureyri í ágúst 2018. Ilmur Kristjánsdóttir leikkona gaf þau saman og var veislan hin glæsilegasta. Fyrir eiga þau dótturina Eddu Kristínu sem kom í heiminn árið 2018.