Birgitta Líf Björnsdóttir, samfélagsmiðlastjarna og markaðsstjóri World Class, fæddi son hinn 8. febrúar síðastliðinn. Drengurinn er fyrsta barn Birgittu Lífar og sambýlismanns hennar, Enoks Jónssonar. Parið greindi frá komu barnsins á sunnudag með fallegri mynd á Instagram.
Birgitta Líf og Enok eru nú komin heim af fæðingardeildinni og byrjuð að aðlagast nýjum aðstæðum og fjölskyldulífinu.
Nýbakaða móðirin birti dýrmæta mynd af feðgunum á Instagram sem sýnir Enok með son þeirra í svokölluðu „skin-to skin“, en það er mjög mikilvægt fyrir ungabörn að upplifa slíkt fyrstu daga sína.