Bjarkey Olsen Gunnarsdóttir matvælaráðherra mun kynna frumvarp til laga um lagareldi á opnum fundi á Hilton Reykjavík Nordica á miðvikudag. Frumvarpið er þegar komið til meðferðar hjá atvinnuveganefnd Alþingis.

Fram kemur í tilkynningu á vef stjórnarráðsins að Kolbein Árnason, skrifstofustjóri matvæla, mun að lokinni kynningu ráðherra fara yfir þær breytingar sem hafa orðið á frumvarpinu að loknu samráðsferli. Voru frumvarpsdrögin birt í samráðsgátt 6. desember síðastliðinn og lauk frest til umsagnar 12. janúar og hefur verið unnið úr um þrjú hundruð umsögnum áður en frumvarpið var kynnt Alþingi í lok apríl.

Frétt af mbl.is

Segir nýtt frumvarp gefa eldisfyrirtækjum auðlindir

Þá munu fulltrúar Hafrannsóknastofnunar og Matvælastofnunar segja frá aðkomu sinna stofnana að frumvarpinu og hverju lögin myndu breyta fyrir þeirra starfsemi.

„Tilgangur frumvarpsins er að skapa greininni ramma sem tryggir að sjálfbærni og vernd lífríkisins verði höfð að leiðarljósi og hefur víðtækt samráð verið haft hagaðila til að ná settu marki,“ segir í tilkynningu stjórnvalda.

Tengdar fréttir

Fiskeldi

Hafa gert tillögu að rekstrarleyfi Laxeyjar

• Skrá Ice Fish Farm í íslensku kauphöllina
• 868 seiði sluppu úr eldisstöð í Öxarfirði
• Strokulaxar jafn margir og hrygningarstofn
• Stöðvun gildistöku leyfis Arctic Fish hafnað

» Fleiri tengdar fréttir

• Blogga um frétt