Þrýst á ráðherra að veita veiðileyfi
Setja bókamerki
Talsverður þrýstingur er settur á nýjan matvælaráðherra að gefa út leyfi til hvalveiða sem allra fyrst, en leyfisumsókn hefur legið í ráðuneytinu frá því í janúarlok og ekki verið svarað.
Bæði í Framsóknarflokknum og Sjálfstæðisflokknum er lögð rík áhersla á að veiðileyfi til Hvals hf. verði gefið út hið fyrsta og var málið m.a. rætt á þingflokksfundi Sjálfstæðisflokksins í gær.
Þingmennirnir Stefán Vagn Stefánsson, Framsóknarflokki, og Teitur Björn Einarsson, Sjálfstæðisflokki, eru mjög fylgjandi því að veiðarnar verði heimilaðar.
„Það er alveg ljóst að hvalveiðar eru lögum samkvæmt heimilar og ef umsókn berst um leyfi til hvalveiða verður ráðherrann að afgreiða slíkt leyfi,“ segir Teitur Björn.
„Þetta hvalveiðimál hefur þvælst nógu lengi fyrir og verið erfitt í umræðunni. Ég treysti því að nýr ráðherra leysi þetta,“ segir Stefán Vagn. Jafnvel þótt ráðherrann gefi út leyfið í þessari viku er ekki einboðið að af veiðum verði, sökum þess hve skammt er til vertíðarinnar. Tími til öflunar aðfanga er sagður mjög skammur.
Hægt er að nálgast umfjöllunina í heild sinni í Morgunblaðinu í dag.
Verið að búa til „óánægju og kergju“
„Finn fyrir miklum meðbyr“
Gæti færst meiri kraftur í eldgosið
Fullyrðir að kindurnar beri ekki eftirlitslausar
„Mjög ánægður með útkomuna“
Hægist á eftir mikinn uppgang
Óásættanlegt hversu langan tíma viðræður hafa tekið
Ökuníðingur enn í haldi – „Mildi að ekki fór verr“