Fullur sjór af fiski

Skipið er gert út á troll og nú á vetrarvertíðinni er hver stund nýtt til þess að landa úr skipinu. Eftir löndun á miðvikudaginn taldist svo til að samanlagður afli eftir þrjár veiðiferðir á sex dögum væri alls 210 tonn, sem hlýtur að teljast nokkuð gott.

Ís mokað á fiskinn sem er í körum á bryggjunni. Allt þarf að gang greitt fyrir sig og í fiskvinnsluhúsunum er beðið eftir hráefninu. - löndun - landað mbl.is/Óskar Pétur Friðriksson

Á Bergi VE hafa menn að undanförnu haldið sig gjarnan á Landsuðurhrauni sem er suðaustan við Eyjar og á 70 faðma blettunum svonefndu vestur af Surtsey.

Aflinn sem áhöfnin á Bergi fiskaði í síðasta túr, alls 75 tonn, var ufsi en talsvert var þó líka í trollinu af þorski og ýsu. „Þetta er fallegur fiskur og hver ufsi er gjarnan 12-14 kíló. Þorskurinn er líka mjög stór og fallegur. Annars má velta fyrir sér á hverju fiskurinn lifi núna, þegar engin er loðnan. Þetta er stór spurning en eitthvað veit ég til þess að fiskurinn hefur verið að færa sig alveg upp undir fjöru til að komast þar í æti,“ segir Ragnar.

Umfjöllunina má lesa í heild sinni í Morgunblaðinu í dag.