„Ég er mjög bjartsýnn á að samningurinn verði samþykktur að þessu sinni. Ég held að við höfum náð flestu því inn sem menn kvörtuðu yfir í síðasta samningi,“ segir Valmundur Valmundsson, formaður Sjómannasambands Íslands, í Morgunblaðinu í dag um nýjan kjarasamning sjómanna við Samtök Fyrirtækja í sjávarútvegi.

Frétt af mbl.is

Sjómenn undirrita kjarasamning

Samningurinn verður kynntur fyrir sjómönnum og síðan verða greidd atkvæði um hann. Hefst atkvæðagreiðslan kl. 12 mánudaginn 12. febrúar og henni lýkur kl. 15. föstudaginn 16. febrúar. Stjórn SFS mun og taka afstöðu til samningsins.

Fulltrúar sjómanna og útvegsmanna skrifuðu undir samninginn. Ljósmynd/Sjómannasamband Íslands

Samningurinn felur í sér talsverða hækkun kauptryggingar, aukin lífeyrisréttindi og desemberuppbót frá árinu 2028.

„Það er alltaf ánægjulegt að klára verkefni sem okkur hafa verið falin. Þessi ábyrgð fór ekkert frá okkur þótt sjómenn hafi fellt samning fyrir ári, verkefnið síðan þá hefur falist í að átta okkur á því hvað það var sem olli óánægju sjómanna og þá að reyna að koma til móts við þær óánægjuraddir og það er sú niðurstaða sem við sjáum í dag,“ segir Heiðrún Lind Marteinsdóttir framkvæmdastjóri Samtaka fyrirtækja í sjávarútvegi.

Lesa má meira um málið í Morgunblaðinu í dag. 

Tengdar fréttir

Kjaramál sjómanna

Níu ára stöðugleikaskeið í kjaramálum sjómanna

• SVG og VM samþykktu samninginn
• Segir samninganefnd vélstjóra sniðgengna
• Felur í sér styttri vinnuviku og aukið mótframlag
• Vélstjórar undirrituðu samning við SFS

» Fleiri tengdar fréttir