Halda til loðnumælinga en hafísinn mikill
Setja bókamerki
Íslensku uppsjávarskipin Ásgrímur Halldórsson og Heimaey VE halda til loðnumælinga í dag ásamt grænlenska skipinu Polar Ammassak. Enn er nokkuð um hafís norðvestur af landinu þar sem mælingar urðu fyrir truflunum í janúar.
Að lokinni stofnmælingu loðnu í janúar taldi Hafrannsóknastofnun að ekki væri tilefni til að leggja til loðnuveiðar þennan veturinn. Hins vegar truflaði hafís á Grænlandssundi mælinguna og hafa vísindamenn talið af mikið magn loðnu hafi leynst undir ísnum. Hefur verið vísað til þess að 324 þúsund tonn af kynþroska loðnu mældist síðasta haust.
Hafískort dönsku veðurstofunnar (Danmarks Meteorologiske Institut) sem birt var í gær sýnir enn töluvert magn af hafís norðvestur af landinu, en leitarsvæðið mun ná frá Víkurál út af Vestfjörðum að Héraðsdjúpi austur af landinu.
Mögulega gengin undan ísnum
Loðnuvertíð getur skilað mörgum milljörðum í útflutningsverðmæti og eru bundnar vonir við að febrúarmælingin gefi tilefni til að gefa út ráðgjöf um veiðar.
Óljóst er hversu mikið hafísinn mun trufla mælingar, en sé loðnan gengin undan ísnum í austurátt eins og venja er ætti ekki að vera tilefni til að óttast hafísinn þar sem hún mun finnast á öðrum hluta leitarsvæði skipanna.
Skuldahalinn lengist í Reykjavík
Magnús Tumi: Gýs líklega á næstu dögum
Fylgi Höllu hrundi eftir kappræðurnar
Var sofandi þegar slökkvilið bar að garði
Rampur númer 1.100 vígður í dag
Goslok hafa ekki áhrif á vinnuna
Næsta eldgos fær mikið forskot
Merkilegt hve lengi gosið hélt dampi
