SFS styður frumvarp Svandísar um veiðigjöld
Setja bókamerki
Samtök fyrirtækja í sjávarútvegi (SFS) styður þær breytingar á veiðigjaldi sem Svandís Svavarsdóttir, matvælaráðherra, hefur lagt til í frumvarpi sínu, segir Heiðrún Lind Marteinsdóttir, framkvæmdastjóri SFS. Þá sé mikilvægt að lög nái þeim markmiðum sem stefnt er að og endurspegli vilja löggjafans, segir hún.
Frumvarpið sem um ræður felur í sér að þak verði sett á fyrningar skipa og skipsbúnaðar sem geta komið til frádráttar við útreikning á reiknistofni veiðigjalds. Áhrif þess eru að útgerðirnar munu á næsta ári þurfa að greiða 2,5 milljarða meira í veiðigjöld en við óbreytt ástand. Þá mun megnið af umræddri upphæð lenda á uppsjávarútgerðum sem þurfa þá að greiða 2,3 milljarða í stað 700 milljóna króna.
Heiðrún Lind segir SFS taka undir þau sjónarmið sem lýst er í greinargerð frumvarpsins þar sem fram kemur að skattalegar flýtifyrningar hafa skapað meiri sveiflur í reiknistofni veiðigjalds á milli ára en upphaflega var gert ráð fyrir. Telur hún óheppilegt að miklar sveiflur í veiðigjaldi megi rekja til fyrningu fárra skipa.
Mikilvægt er að finna farsæla lausn á þessum vanda og þess vegna styður SFS þær breytingar sem lagðar eru til, segir hún.
Verði frumvarpið að lögum munu skattalegar fyrningar sem samtals eru hærri en 20% af fyrningargrunni að viðbættum 200 milljónum verða dreift yfir næstu fimm ár. Vegna þessa verða veiðigjöldhærri næstu ár en áætlað hefur verið en síðan lægri þar á eftir, að því er segir í greinargerð frumvarpsins.
Vilja selja fyrir tæpa 13 milljarða í Íslandshótelum
Barnalög endurskoðuð til að bregðast við
Blinken kominn til Úkraínu – Rússar herða sókn
„Ekki við hæfi að blanda sér í umræðu um ritstjórn RÚV“
Viltu verða milljónamæringur um sextugt?
Mengað jarðefni geymt á Sævarhöfða
Starfsmaður SÍ grunaður um fjárdrátt
Að flytja á Álftanes var skrifað í skýin