Greiddu rúma 10 milljarða í veiðigjöld
Setja bókamerki
Alls greiddu sjávarútvegsfyrirtæki um 10,2 milljarða króna í veiðigjald á árinu 2023, er þetta um 30% meira var innheimt í veiðigjöld árið 2022 er fyrirtækin greiddu 7,9 milljarða. Þetta má lesa úr tölum Fiskistofu.
Þorskur skilar mestu í veiðigjöld árið 2023 og nemur upphæðin 4.022 milljónum króna, en árið 2022 var greitt 4.126 milljónir vegna þorskveiða. „Þennan mun má alfarið rekja til samdráttar í þorskafla, enda var sú upphæð sem fyrirtækin þurftu að greiða fyrir hvert kíló af þorski í veiðigjald hærri á árinu 2023 en árið á undan,“ segir í greiningu Radarsins.
Loðnuveiðar skiluðu svo næsthæstri fjárhæðinni og svo veiðar á ýsu.
Hæsta veiðigjald á þorsk frá upphafi
„Í lok nóvember birti matvælaráðherra auglýsingu í Stjórnartíðindum um veiðigjald fyrir árið 2024. Gjaldið er auglýst sem krónur á kíló landaðs óslægðs afla en sú upphæð er nákvæmlega 33% af afkomu fiskveiða á árinu 2022. Ljóst er að upphæð veiðigjaldsins hækkar á langflestum tegundum á milli ára líkt og sjá má í töflunni hér fyrir neðan. Það kemur ekki á óvart, enda er gjaldið fyrir árið 2024 byggt á afkomu fiskveiða á árinu 2022, sem heilt yfir var gott ár í sjávarútvegi og afkoma af veiðum almennt betri en árið 2021,“ segir í greiningunni.
Bent er á að afkoma af hverju lönduðu óslægðu kílói af þorski var 58,1 króna á árið 2021 en var 80,8 krónur árið 2022. Veiðigjaldið hækkar því úr 19,17 krónum á hvert kíló af þorski á síðasta ári í 26,66 krónur árið 2024.
„Það er hæsta krónutala sem fyrirtækin hafa þurft að greiða í veiðigjald af þorski frá upphafi. Ef þorskaflinn yrði óbreyttur á milli ára myndi fjárhæð veiðigjaldsins af þorskveiðum enda í 5,6 milljörðum króna í ár. Óbreyttur afli á milli ára í hverri fisktegund myndi leiða til þess að heildarfjárhæð veiðigjalds yrði um 11,4 milljarðar króna í ár. En í þessum efnum ríkir óvissa og þá ekki síst varðandi útgáfu loðnukvóta í ár,“ segir í greiningu Radarsins.
Bregðast við vopnahléstillögu á morgun
Ók á ofsahraða á móti umferð og uppi á stétt
/frimg/1/29/32/1293273.jpg)
Ekki af baki dottinn og ætlar að opna B5 aftur
Fjallabak, Sprengisandur og niður í Eyjafjörð
Skaut sex sinnum að feðginum á aðfangadagskvöld
Rothissa á vinnubrögðum forystu BÍ