Það er hart tekist á um bankastarfsemi, vexti og arðsemissjónarmið í Dagmálum í dag þar sem Vilhjálmur Birgisson formaður Starfsgreinasambandsins og Hörður Ægisson blaðamaður ásamt Stefáni Einari Stefánssyni þáttarstjórnanda ræddu möguleikann á að breyta Landsbankanum í samfélagsbanka.
Hörður gefur lítið fyrir hugmyndina og segir ljóst að slíkur banki yrði nokkurs konar „Íbúðalánasjóður 2.0“ sem yrði að öllum líkindum „rekinn út í skurð“. En sjón er sögu ríkari og þennan hluta spjallsins má sjá í myndskeiðinu hér að ofan.
Í samtalinu var farið yfir víðan völl í aðdraganda kjarasamninga en þátturinn í heild sinni er aðgengilegur áskrifendum Morgunblaðsins bæði í mynd og sem hlaðvarp. Einnig er hægt að kaupa vikupassa að stafrænni áskrift.