Dregið úr reiði og afbókunum
Setja bókamerki
Á síðustu dögum hefur dregið úr afbókunum hjá WOW air og Icelandair auk þess sem borist hafa færri tölvupóstar og athugasemdir í gegnum samfélagsmiðla fyrirtækjanna vegna samþykktar Reykjavíkurborgar um sniðgöngu á ísraelskum vörum.
Líkt og fram hefur komið var töluvert um afbókanir vegna málsins.
Frétt mbl.is: Töluvert af afbókunum hjá WOW
Svanhvít Friðriksdóttir, upplýsingafulltrúi WOW, segir að starfsmenn þjónustuvers WOW hafi hvorki orðið varir við afbókanir vegna málsins í dag eða í gær. „Mér finnst líklegt að þeir sem voru reiðir hafi látið þarna strax í sér heyra,“ segir hún.
„Við vorum að fá mikið af póstum og margar athugasemdir á samfélagsmiðlum en það hefur dregið mikið úr því,“ segir Svanhvít.
Ekki eru þó til nákvæmar tölur um fjölda afbókana vegna málsins.
Líkt og fram hefur komið hefur fyrrnefnd samþykkt verið dregin til baka.
Guðjón Arngrímsson, upplýsingafulltrúi Icelandair, segir stöðuna einnig hafa batnað hjá þeim. „Afturköllun borgarinnar virðist hafa spurst vel út, því við sjáum annað viðmót nú þegar,“ segir hann.
„Tölvupóstar og önnur skilaboð sem fylgdu í kjölfar bókunarinnar í síðustu viku eru að mestu hættir að berast,“ segir Guðjón.
„Hann var lokaður inni í bátnum“
Fannari líst ágætlega á aðgerðirnar
14 til 17 milljarða kr. tap vegna skerðinga
Mennirnir í haldi lögreglunnar á Suðurnesjum
Fordæmir leyndarhyggju í skólamálum