Bardagakappinn Anthony Johnson er látinn, aðeins 38 ára að aldri, eftir baráttu við ótilgreind veikindi.
Johnson, oftast kallaður „Rumble“, lét vel að sér kveða í blönduðum bardagalistum þar sem hann vann 22 bardaga og tapaði sex á ferli sínum í UFC.
Hann hafði sjálfur greint frá því að hann væri að glíma við veikindi en lét þess ekki getið hvers konar veikindi væri um að ræða.
Johnson fékk í tvígang tækifæri til þess að verða heimsmeistari í þungavigt í blönduðum bardagalistum en tapaði í bæði skiptin fyrir Daniel Cormier.
Hann hætti í UFC árið 2017 en sneri aftur til keppni í blönduðum bardagalistum í Bellator á síðasta ári.