Knicks í 2:0 gegn Pacers
Setja bókamerki
New York Knicks unnu Indiana Pacers í öðrum leik liðanna í úrslitakeppni NBA deildarinnar í nótt. Fjórtán stig í röð frá heimamönnum í Knicks sneru leiknum við í þriðja leikhluta.
Jalen Brunson, leikstjórnandi og mikilvægasti leikmaður New York liðsins, meiddist í fyrsta leikhluta og Indiana leiddi með tíu stigum þegar flautað var til hálfleiks. Eftir að hafa ekkert spilað í öðrum leikhluta sneri Brunson aftur í síðari hálfleik og Knicks saxaði á forskot gestanna.
Í stöðunni 79:70 skoruðu leikmenn Knicks fjórtán stig gegn engu frá Indiana og komust í 84:79. Josh Hart spilaði allan leikinn í öðrum leiknum í röð fyrir heimamenn sem eru án Julius Randle, Mitchell Robinson og Bojan Bogdanovic í úrslitakeppninni.
OG Anunoby og Donte DiVincenzo skoruðu 28 stig hvor fyrir Knicks, Brunson var stigahæstur með 29 og Josh Hart skoraði 19 stig, tók 15 fráköst og gaf 7 stoðsendingar.
Tyrese Haliburton átti erfitt uppdráttar í fyrsta leik liðanna en skoraði 34 stig fyrir Pacers í nótt og gaf 9 stoðsendingar. Obi Topiin skoraði 20 stig á nítján mínútum af bekknum og Pascal Siakam skoraði 14 og tók 9 fráköst, þar af fimm sóknarfráköst.
Einvígið færist nú til Indiana.
Kostnaðurinn nemur allt að þremur milljörðum
Húsnæðisstuðningur framlengdur til áramóta
Fannari líst ágætlega á aðgerðirnar
Fann bein og tönn úr dýrum í sprungunni
Krabbameinsfélagið undirbýr mikilvæga rannsókn
Óljóst hvort þyrlan sé fundin
„Okkur mun ekki bregða“
Ráðist á ferðamenn: „Það var blóð alls staðar“