Enski knattspyrnumaðurinn Jack Grealish, leikmaður Manchester City, hefur verið sektaður fyrir hraðakstur í heimalandinu.
Grealish náðist á hraðamyndavél þann 17. júlí á síðasta ári þar sem hann ók Range Rover Sport jeppa sínum á 71 kílómetra hraða þar sem var 48 kílómetra hámarkshraði í götu í Wythall í Worcesterskíri.
Af þeim sökum var Grealish sektaður um alls 1.042 pund, jafnvirði tæplega 183.000 íslenskra króna. Hann gekkst við sekt sinni og hlaut fimm refsipunkta í ökuferilsskrá sína.