Salah tryggði dýrmæt stig (myndskeið)
Setja bókamerki
Mohamed Salah reyndist hetja Liverpool þegar liðið vann nauman endurkomusigur á Brighton, 2:1, í ensku úrvalsdeildinni í knattspyrnu í dag.
Danny Welbeck kom Brighton í forystu snemma leiks með glæsilegu skoti rétt innan vítateigs eftir að Virgil van Dijk tókst ekki að koma boltanum frá.
Luis Díaz jafnaði metin af miklu harðfylgi eftir að Salah hafði skallað boltann inn fyrir í kjölfar hornspyrnu Liverpool.
Salah skoraði svo sigurmarkið eftir laglegt spil þar sem Dominik Szoboszlai átti góða sendingu af hægri kanti á Alexis Mac Allister, sem þræddi boltann inn fyrir á Egyptann sem þakkaði pent fyrir sig.
Díaz skoraði aftur eftir glæsilega sendingu Salah en var dæmdur rangstæður, sem stóð tæpt en virtist réttur dómur.
Svipmyndir úr leiknum má sjá í spilaranum hér að ofan, en mbl.is færir ykkur efni úr enska boltanum í samstarfi við Símann Sport.
Aflýsir öllum ferðum og sendir liðsauka
Beitti piparúða og kylfu – Tveir á slysadeild
Ört vaxandi tjón vegna netsvika
Andri Snær sættir sig við fimm frambjóðendur
Kortavelta ferðamanna dregst mikið saman
Skoða að taka upp gjaldskyldu á notkun nagladekkja
Baldur: Það má ekki gelda embættið