Anthony Taylor verður dómari í stórleik Manchester City og Arsenal í ensku úrvalsdeild karla í knattspyrnu á Ethiad-leikvanginum á sunnudaginn kemur.
Arsenal er í fyrsta sæti deildarinnar með 64 stig, jafnmörg og Liverpool en með betri markatölu. City er í þriðja sæti með stigi minna.
Anthony Taylor er með betri dómurum Englands og fær stóra hlutverkið næstu helgi.
Taylor dæmdi leik Ísraels og Íslands síðastliðinn fimmtudag þar sem Ísland vann, 4:1.