Sheffield United fór illa að ráði sínu er liðið heimsótti Bournemouth í ensku úrvalsdeildinni í fótbolta í dag.
Gustavo Hamer kom Sheffield-liðinu yfir á 27. mínútu og Jack Robinson virtist vera að innsigla góðan útisigur með öðru markinu á 64. mínútu.
Dango Outtara minnkaði hins vegar muninn á 74. mínútu og Enes Ünal tryggði Bournemouth stig með marki í uppbótartíma.
Sheffield United fór af botninum og upp í 19. sæti með jafnteflinu, en liðið er tíu stigum frá öruggu sæti.
Luton er þar fyrir ofan, þremur stigum frá öruggu sæti, eftir 1:1-jafntefli við Crystal Palace á útivelli. Jean-Philippe Mateta kom Palace yfir á 11. mínútu en varamaðurinn Cauley Woodrow jafnaði á lokamínútunni.
Þá vann Wolves 2:1-heimasigur á Fulham. Rayan Aït Nouri kom Wolves yfir á 52. mínútu og stundarfjórðungi síðar gerði Tom Cairney sjálfsmark og kom Wolves í 2:0. Alex Iwobi minnkaði muninn í uppbótartíma.