Bournemouth sótti stigin þrjú þegar að Burnley tapaði þriðja leiknum í röð í ensku úrvalsdeild karla í knattspyrnu í dag.
Leikurinn endaði 2:0, Bournemouth í vil. Burnley-liðið er með 13 stig í 19. sæti deildarinnar, ellefu stigum frá öruggu sæti. Bournemouth er í 13. sæti með 31 stig.
Justin Kluivert kom Bournemouth yfir á 13. mínútu leiksins en Antonie Semenyo innsiglaði sigur Bournemouth-manna undir lok leiks.
Jóhann Berg Guðmundsson kom svo inná fyrir Burnley eftir að Bournemouth komst 2:0 yfir.
Síðasti sigur Burnley kom á Þorláksmessu en liðið hefur nú ekki unnið í tíu leikjum í röð.