Telma Ívarsdóttir, markvörður Breiðabliks og íslenska landsliðsins, nefbrotnaði í leik Breiðabliks og Tindastóls í Bestu deild kvenna á Kópavogsvelli í dag.
Telma og Jakobína Hjörvarsdóttir, samherji Telmu, lentu í samstuði undir lok leiksins en Breiðablik sigraði 4:0. Nik Chamberlain, þjálfari Breiðabliks, staðfesti við Mbl.is eftir leik að Telma væri nefbrotin en hún var sótt af sjúkrabíl í leikslok.
Telma spilaði síðustu tíu mínútur leiksins þrátt fyrir nefbrotið. Breiðablik er með fullt hús stiga eftir tvo leiki í deildinni.