„Fyrir mér eru þeir með mest spennandi liðið í deildinni,“ sagði Viðar Guðjónsson, blaðamaður á Morgunblaðinu, í upphitunarþætti Dagmála fyrir Bestu deild karla í knattspyrnu þegar rætt var um Stjörnuna.
Garðbæingum er spáð 5. sæti deildarinnar í spá íþróttadeildar Árvakurs en liðið hafnaði þriðja sætinu á síðustu leiktíð.
„Jökull tók við þeim og gerði kraftaverk með liðið,“ sagði Viðar.
„Það skrúfar væntingarnar aðeins upp fyrir þetta tímabilið og spurningin er hvort þeir nái að halda dampi í sumar. Þegar þú ert með unga leikmenn þá þarftu ákveðið hömluleysi inn á vellinum og ef þeir ná upp réttu blöndunni þá gætu þeir gert ennþá betur en í fyrra,“ sagði Viðar meðal annars.