Hertogahjónin af Sussex, Harry og Meghan, starfa ekki lengur fyrir bresku konungsfjölskylduna en hafa það samt nokkuð gott í Bandaríkjunum. Að minnsta kosti getur Meghan hertogaynja klæðst fokdýrum fötum þegar hún mætir á viðburði. 

Hjónin mættu á dögunum á listaviðburð í Los Angeles. Klæddist Meghan einstaklega fallegri kápu með stuttum ermum frá Carolina Herrera. Kápan er svört en með fallega bróderuðum blómum sem gáfu yfirhöfninni konunglegt yfirbragð. Kápuna er að finna á vef Carolina Herrea og kostar hún 3.790 dollara eða vel yfir hálfa milljón íslenskra króna. 

Móðir Meghan, Doria Ragland, mætti einnig sem og móðir Beyoncé, Tina Knowles. Mæðrum stjarnanna virtist koma vel saman á listasýningunni. 

Meghan tók sig vel út í kápunni. Ljósmynd/The Kinsey Collection

Eins kápa og Meghan á frá Carolina Herrera. Ljósmynd/Carolina Herrera

Ekki fyrsta flíkin frá Carolina Herrera

Meghan er greinilega aðdáandi merkisins og er þetta ekki í fyrsta skipti sem hún klæðist fötum frá Carolina Herrera. Hún klæddist rauðum síðkjól frá merkinu þegar hún og Harry mætti á galaviðburð í New York árið 2021. Þótti hún einstaklega glæsilega til fara í kjólnum. 

Harry Bretaprins og Meghan hertogaynja árið 2021. Meghan er í rauðum kjól frá Carolina Herrera. AFP/ Dia Dipasupil

Tengdar fréttir

Kóngafólk í fjölmiðlum

Vilhjálmur og Katrín fagna 13 ára brúðkaupsafmæli

• Karl á batavegi og snýr aftur til starfa
• Karl III sagður „mjög veikur“
• Ný stytta afhjúpuð af Elísabetu II. drottningu
• Lúðvík prins fagnar sex árum

» Fleiri tengdar fréttir

Fatastíllinn

Hlaðvarpsstjarna gekk í það heilaga í Mexíkó

• Hver var í ósamstæðum sokkum á Alþingi?
• Þetta vilja töffarar landsins fá í sumargjöf
• Milla Ósk og Pattra klæddust eins kjólum
• 10 hugmyndir að sumargjöfum frá þér til þín

» Fleiri tengdar fréttir

• Blogga um frétt