Nóttin: Kári Stefáns með ungri konu á Kastrup
Setja bókamerki
Tengdar fréttir
Hverjir voru hvar
Nóttin rankaði við sér um kvöldmatarleitið fyrir viku síðan með bilaðan móral. Það er náttúrlega bömmer að hringja sig veika í vinnunni þegar samstarfsmennirnir á lögmannsstofunni þurfa „sinn tíma“ til þess að hitta viðskiptavini yfir dönsku smurbrauði og ákavíti sex daga vikunnar. Það er álag.
Orkustigið hefur líka verið eitthvað svo lágt í vinnunni síðustu vikur að það mætti halda að eigendurnir á stofunni séu í lífslokameðferð, nema náttúrlega pabbi minn. Hann fer alltaf út að skokka áður en hann mætir í vinnuna. Það þarf þó enginn að örvænta því það þarf bara að hella í smá jólabjór og gefa þeim nokkur Mezcal skot – þá hressast þeir óstjórnlega mikið.
Nóttin notaði þessa tvo veikindadaga til þess að djúphreinsa á sér húðina og bera á sig líkamsmaska, horfa á Kardashians, raspa á sér hælana og raka sig undir höndunum. Nóttin ákvað líka að skrá sig á Smitten því Tinder er orðið svo ferlega þreytt.
Nóttin þarf eiginlega að komast í áfallameðferð eftir þetta niðurhal. Það er öruggast að nefna engin nöfn. Einhver nöfn byrja á A og enda á Þór. Eftir tveggja daga veikindaleyfi var Nóttin komin með upp í kok af samverustundum með sjálfri sér og glötuðum símaöppum og stalst á barinn. Á Kramber var rithöfundurinn Auður Jónsdóttir í góðum félagsskap með Ásgeiri Brynjari Torfasyni hirðálitsgjafa RÚV í fjármálum.
Kosturinn við að taka svona veikindadaga á lögmannsstofunni er að Nóttinni var fagnað eins og hún væri Díana prinsessa endurborin þegar hún loksins mætti. Þetta var svolítið eins og að fara á sjálfsstyrkingarnámskeið með innifaldri háreyðingu. Nóttin gætti þess þó að hósta létt á um það bil hálftíma fresti til þess að samstarfsfélagarnir, og pabbi, myndu ekki að fatta að hún væri ekki með Covid.
Í desember eru allir dagar fössarar en fimmtudagur er svolítið eins og löllari. Aðaldagurinn þannig séð - tala nú ekki um ef marka má fjöldann sem var í bænum.
Kastrup var þéttsetinn á fimmudagskvöldið en þar voru félagarnir Grímur Garðarsson eigandi Bestseller á Íslandi og Andri Gunnarsson lögmaður og eiginmaður Rakelar í Snúrunni í essinu sínu. Þessi jólamatseðill virðist trekkja að.
Nóttin rakst á nokkrar Exedra-drottningar á Kjarval seinna um kvöldið. Þær höfðu tekið daginn snemma og byrjað á jólarölti um klukkan 14.00 þennan fimmtudag. Framakonur þurfa að vinna í tengslanetinu sínu og það gengur náttúrlega ekki að vera hlekkjaðar við vinnustaði sína alla daga. Margrét Íris Ármann Baldursdóttir fjárfestir (sem keypti húsið af Antoni Þórarinssyni athafnamanni) var að sjálfsögðu á Kjarval þetta kvöld.
Þar var líka Ragnhildur Ágústsdóttir hjá Lava Show og Karitas Diðriksdóttir hjá Bioeffect.
Sofnaði næstum því á Baggalút!
Nóttin lét teyma sig út í algera vitleysu þegar hún samþykkti að fara með einhleypu vinkonum sínum á Baggalútstónleika á laugardagskvöldið. Þær voru á því að þetta væri gott tækifæri til að hitta einhverja nýja. Einhverja nýja menn sem eru ekki á Tinder eða Smitten. Þær hefðu betur gert eins og kvenkyns starfsmenn löggurnar og keypt sér strippara í Póllandi. Það hefði líklega verið meira fjör! Nóttin þurfti að hafa sig alla við að sofna ekki á tónleikunum.
Þéttur og kátur drykkjurmaður úr Kópavogi (ekki Erpur samt) með utanbæjarstrípur, sá til þess að hún festi ekki blund því hann var alltaf að detta fram á sætið. Nóttin gerði því ekkert annað en að hrökkva upp reglulega eða þangað til hann dó áfengisdauða í sætinu sínu og kona með fake-merkjavörutösku tösku og skvísuklippingu (með rakað öðru megin) reyndi að vekja hann.
Eftir þessa hræðilegu upplifun var ferðinni heitið í Iðnó þar sem Lilja R. Einarsdóttir fjárfestir hélt upp á 50 ára afmæli sitt. Vinkonu Nóttarinnar var boðið og náði hún að smygla fjórum með sér inn enda enginn andlitsskanni við hurðina.
Þar var Birgir Jónsson forstjóri Play í miklu stuði en hann var ekki sá eini því fyrrum kollegi hans, Skúli Mogensen, var sólbrúnn og sællegur eftir mánaðardvöl á Balí. Þar var líka Hildur Hafstein skartgripahönnuður, Gyða Dan Johansen ofurbeib, Sverrir Þór Sverrisson, Sveppi krull og hans guðdómlega kona, Íris Ösp Bergþórsdóttir, Ekkert rusl-drottningin Margrét Stefánsdóttir og eiginmaður hennar, Sigurður Örn Ágústsson fyrrverandi forstjóri Bláfugls. Þar var líka Finnur Harðarson leigutaki við Stóru-Laxá í miklu stuði! Nóttin var svolítið að reyna að gefa honum undir fótinn en það skilaði ekki árangri.
Svaðalegur sunnudagur!
Hvað gerir skvís á sunnudögum á öðrum í aðventu? Nú, hún fer í Garðheima, aðra helgina í röð. Hún var að vonast eftir því að rekast á einhverja fola en hrasaði nánast um umtalaðasta par landsins, Vítalíu og Arnar Grant. Þau eru greinilega komin í ofsafengið jólaskap. Nóttinni brá svo þegar hún sá þau að hún steingleymdi hvað hún ætlaði að kaupa. Bömmer.
Helginni var lokað á Kastrup en þar var Snorri Másson fjölmiðlamaður í miklu stuði ásamt vinum sínum. Þar voru líka hjónin Jón Ásgeir Jóhannesson og Ingibjörg Stefanía Pálmadóttir með svört týpugleraugu, sem eru hugsanlega lesgleraugu. Hver veit. Það var kliður á staðnum sem er var nokkuð þéttsetinn eða þangað til Kári Stefánsson gekk inn með ungri konu. Ekki er vitað hver tengsl þeirra eru.
Tengdar fréttir
Hverjir voru hvar
Krabbameinsfélagið undirbýr mikilvæga rannsókn
Kostnaðurinn nemur allt að þremur milljörðum
Halla: Líkti Ólafi Ragnari ekki við Robert Mugabe
Telur að Rússar herði sókn sína í norðaustri
Haustbragur í maí: Snjókoma fyrir norðan
Ráðist á ferðamenn: „Það var blóð alls staðar“
Braut gegn konum í Eyjum
Spurt og svarað
húðlæknir á Húðlæknastöðinni svarar spurningum lesenda
sálfræðingur á Sálfræðistofunni Sálarlíf svarar spurningum lesenda
einstaklings- og fjölskylduráðgjafi svarar spurningum lesenda
Klínískur félagsráðgjafi hjá Lausninni
hjúkrunar- og kynfræðingur svarar spurningum lesenda
svarar spurningum um lögfræðileg mál