Það var gríðarlega mikið stuð á laugardaginn þegar Hrefna Sif Gunnarsdóttir, verkefnastjóri hjá Controlant og laganemi, og Börkur Eiríksson, myndlistarmaður og einn af stofnendum tölvuleikjafyrirtækisins Mainframe, gengu í hjónaband í Fríkirkjunni í Reykjavík. 

Hrefna og Börkur hafa verið saman í sex ár og eiga saman þrjú börn úr fyrri samböndum. Hrefna á 16 ára gamlan strák og Börkur 17 ára og 11 ára gamlar stelpur. Í fyrra ákvað Hrefna að það væri kominn tími til að innsigla sambandið formlega og fór á skeljarnar á snekkju við Reykjavíkurhöfn. 

Hjónin eru þekkt fyrir að vera listræn og frumleg og endurspeglaðist það á laugardaginn. Þau klæddust ekki hefðbundnum jakkafötum og hvítum kjól eins og flestir gera á brúðkaupsdaginn. Börkur klæddist glitrandi svörtum jakkafötum og Hrefna klæddist bleikum kjól í stíl. Þegar í veisluna var komið skipti hún yfir í svartan partíkjól. Í veislunni skemmtu sér þau meðal annars með fyrirsætunni Ásdísi Rán Gunnarsdóttur, systur Hrefnu.