Logi Bergmann heimsækir hina kraftmiklu og mögnuðu Katrínu Tönju Davíðsdóttur í næsta þætti af Með Loga. Þrátt fyrir að það sé jafnan stutt í brosið hjá þessari hraustustu konu heims hefur hún þurft að glíma við erfiða tíma, sorg, reiði, áföll og vonbrigði. 

Í meðfylgjandi myndskeiði segir hún Loga frá tímabili þar sem þunglyndi náði tökum á henni. Það helltist yfir hana í kjölfar andláts ömmu hennar og setti lífið úr skorðum. 

„Það kom meira að segja tímabil þar sem ég hefði alveg getað hætt,“ segir Katrín Tanja og viðurkennir að hafa ekki fundið neina gleði á æfingum sem þó eru bæði líf hennar, yndi og lifibrauð. Hún segir Loga líka frá því hvernig og hvað það var sem reif hana upp og kom henni aftur á rétta sporið.

Með Loga er framleiddur af Skot Productions og kemur í fullri lengd í Sjónvarp Símans Premium á fimmtudag. Hann er einnig sýndur í opinni dagskrá kl. 20.00 sama dag.

Tengdar fréttir

Með Loga

Fékk 40 stiga hita og blaðraði einhverja vitleysu í covid-móki

• „Ég átti kvöldstund með Gwyneth Paltrow þarna einu sinni“
• Sagði upp í bankanum og sér ekki eftir því
• Skilin og svaf á dýnu á gólfinu hjá foreldrum sínum
• Svala fór til geðlæknis 27 ára og fékk lyf

» Fleiri tengdar fréttir

• Blogga um frétt