Anna Mjöll giftir sig í þriðja sinn

Söngkonan Anna Mjöll Ólafsdóttir er búin að finna ástina á ný og hefur nú gengið í hjónaband. Hinn lukkulegi heitir Patrick Leonard og er bandarískur lagahöfundur. 

Þetta er þriðja hjónaband Önnu Mjallar en árið 2011 gekk hún í hjónaband með Cal Worthington sem vakti heimsathygli vegna aldursmunar á parinu. Hann var 91 árs þegar þau gengu í hjónaband og hún um fertugt. Worthington var þekktur í heimalandi sínu en hann starfaði lengst af sem bílasali og auglýsti bílana sem hann var að selja á eftirtektarverðan hátt. 

Frétt af mbl.is

Anna Mjöll giftist forríkum bílasala 9. apríl

Eftir að upp úr hjónabandi Önnu Mjallar og Worthington slitnaði kynntist hún öðrum manni, söngvaranum Luca Ellis. Þau gengu í hjónaband í Árbæjarkirkju 8. febrúar 2013 en þau skildu 2014. 

Nú hefur hamingjan bankað upp á á nýjan leik og eins og sjá á myndinni sem þú birtu á Instagram er ástin í forgrunni. 

Anna Mjöll Ólafsdóttir hefur búið í Bandaríkjunum í um þrjá áratugi.

• Blogga um frétt