Þyrí Steingrímsdóttir lögmaður á Lögfræðistofu Reykjavíkur svarar spurningum lesenda Smartlands. Hér fær hún spurningu um það hvort sé hægt að gera börn arflaus. 

Hæ. 

Er möguleiki að ráðstafa eignum manns þannig að maki (eignmaður/-kona) fái allt að manni látnum? Að afkomendur verði þannig lagað gerðir arflausir?

Kveðja, 

HK

Þyrí Steingrímsdóttir lögmaður á Lögfræðistofu Reykjavíkur.

Ákvæði erfðalaga um erfðarétt eru fortakslausar að mestu leyti. Almennt eiga hjón hvort sinn helming af eignum (kallast búshluti). Þannig er arfshlutur maka 1/3 af búshlutanum og arfshlutur barna 2/3. Vilji hjón auka við arfshluta hvors annars geta þau gert það með erfðaskrá um 1/3 eigna sinna, en ekki meira en það. Þá geta hjón búið svo um hnútana að hið langlífara sitji í óskiptu búi eftir andlát hins skammlífara en þá fellur niður erfðarétturinn á milli þeirra eftir andlát þess sem lengur lifir og allt gengur til afkomenda.

Kær kveðja, 

Þyrí Steingrímsdóttir lögmaður

Liggur þér eitthvað á hjarta? Þú getur sent lögmönnum á Lögfræðistofu Reykjavíkur spurningu HÉR. 

Tengdar fréttir

Spurðu lögmanninn

Er ekki borgunarmaður fyrir skuldum

• Skerðist ellilífeyrir ef húsið er selt og minni íbúð keypt?
• Er söluhagnaður íbúðarhúsnæðis undanþeginn skattlagningu?
• Skerðir arfur ellilífeyri?
• Getur faðir gert erfðaskrá og rýrt hlut sonar síns?

» Fleiri tengdar fréttir

• Blogga um frétt