Samúel Jón Samúelsson og Kristín Bergsdóttir hafa sett sína litríku og skemmtilegu íbúð á sölu. Annað eins plötusafn hefur varla sést í Vesturbænum.
Íbúðin er 73 fm og stendur í húsi sem byggt var 1960. Heimili Samma og Kristínar ber þess merki um að þar búi skapandi fólk sem hefur áhuga á lífinu. Í stofunni er bleikur sófi og er sami litur notaður á hjónaherbergi.
Eldhúsið er með hvítri innréttingu en veggirnir eru málaðir í tveimur grænum tónum sem skapar góða stemningu.