Dásamlegar kryddhnetur til að narta í
Þessar kryddhnetur eru frábærar til að narta í.
Ljósmynd/Anna Björk Eðvarðsdóttir
Setja bókamerki
Tengdar fréttir
Uppskriftir
Þessar kryddhnetur eru dásamlegar með svalandi drykk úti í góða veðrinu eða bara þegar þig langar í eitthvað gott til að narta í. Síðan eru þær líka æðisleg gjöf til að gefa góðum vini í poka eða í fallegri krukku þegar þú ferð í heimsókn. Anna Björk Eðvarðsdóttir matgæðingur deildi þessari uppskrift á uppskriftasíðu sinni á dögunum og upplagt er að deila henni með lesendum matarvefsins.
Kryddhnetur
- 500 g blandaðar ósteiktar hnetur
- 2 msk. kókosolía
- 1 tsk. cumin
- 1 tsk. paprikuduft
- 1 tsk. chiliduft
- 1 tsk. kóríanderduft
- 2 tsk. fínt salt
Aðferð:
- Bræðið kókosolíu á pönnu við meðalhita, bætið síðan kryddinu við á pönnuna og látið malla í smástund, þar til þetta fer að ilma.
- Bætið þá við hnetunum á pönnuna og steikið þær í 4-5 mínútur eða þar til þær verða ljós gylltar.
- Takið pönnuna af hitanum og hellið hnetunum á bakka eða fat og látið þær kólna alveg.
- Setjið hneturnar síðan í krukku með góðu loki.
Tengdar fréttir
Uppskriftir
Stóð á milli þess að greiða með eða skila auðu
Erum komin í öruggt skjól í Sunnusmára
Um 60 skjálftar – Landris heldur áfram
Ört vaxandi tjón vegna netsvika
Kortavelta ferðamanna dregst mikið saman
Flugvirki lagði ríkið endanlega
Rannsókn miðar vel