Hugi landsliðskokkur býður upp á sælkeravikumatseðil
Setja bókamerki
Tengdar fréttir
Uppskriftir
Hugi Rafn Stefánsson landsliðskokkur á heiðurinn af vikumatseðlinum að þessu sinni sem er sannkallaður sælkeraseðill og kemur bragðlaukunum á flug.
Hugi Rafn gegndi einu af lykilhlutverkum í því að tryggja íslenska landsliðinu tvenn gullverðlaun á Ólympíuleikunum í matreiðslu 2024 — eina fyrir „Chefs Table“ og aðra fyrir „Restaurant of Nations“. Enn fremur leiddi framúrskarandi frammistaða þeirra til þess að landsliðið vann til bronsverðlauna á Ólympíuleikunum fyrir heildar árangur. Hugi Rafn er með spennandi verkefni fram undan en hann er að stofna fyrirtækið Creative Mold Works í kringum silíkon matarform sem hann er búinn að vera að hanna og framleiða fyrir marga matreiðslumenn og veitingastaði. „Ég hannaði meðal annars og framleiddi öll silíkon formin sem notuð voru af íslenska kokkalandsliðinu á Ólympíuleikunum núna í febrúar. En silíkon form lyfta matreiðslunni upp á annað plan og hjálpa réttum að verða að list,“ segir Hugi Rafn.
Hugi er í dag sjálfstætt starfandi matreiðslumaður, hann hefur meðal annars sigrað í íslensku nemakeppninni í matreiðslu og verið aðstoðarmaður í Bocuse´dor keppninni svo fátt sé nefnt.
Keppnismatreiðslan heillar
„Ég hef mikla ástríðu fyrir faginu og veit fátt skemmtilegra en að matreiða og gleðja matargesti mína með því að koma bragðlaukunum á flug. Keppnismatreiðsla heillar mig líka upp úr skónum og það gríðarlega dýrmætt reynsla og þekking sem maður fær eftir hverja keppni. Ólympíuleikarnir er sú keppni sem stendur úr upp á ferlinum eins og staðan er í dag. Þetta var ómetanleg reynsla og ótrúlega gaman að vera hluti af þessari liðsheild enda smullu við vel saman sem teymi,“ segir Hugi.
Hugi er mikill sælkeri og nýtur þess að snæða góðan mat í góðum félagsskap. Vikumatseðillinn hans er sannkallaður sælkera seðill í hans anda.
Mánudagur – Ljúffengt tómatpasta með basilíku og mozzarellakúlu
„Pasta er alltaf einfalt og gott. Þetta pasta er eins ítalskt og það verður og því í miklu uppáhaldi hjá mér.“
Þriðjudagur – Taco með bleikju og mangó-salsa
„Þá er væntanlega taco og gott að koma fisknum að í vikumatseðilinn hér. Svo er þetta mangó – chilisalsa svakalegt, þvílíkt dýrð að njóta.“
Miðvikudagur – Trufflu-risotto að betri gerðinni
„Risotto er í miklu uppáhaldi og tilvalið að bæta við inn á vikumatseðilinn. Þetta er ekta réttur fyrir alla þá sem elska ítalskan mat.“
Fimmtudagur – Ostafylltar kjúklingabringur
„Kjúklingur einu sinni í viku er must fyrir mér og þessi uppskrift slær algjörlega í gegn.“
Föstudagur – Grilluð samloka með bræddum osti
„Þetta er nú örugglega skemmtileg föstudags. Girnileg, saðsöm samloka klikkar ekki.“
Laugardagur – Humar- og chorizopitsa sem rífur í
„Það eru pitsa dagar hjá mér og þessi humar- og chorizopitsa steinliggur fyrir minn smekk.“
Sunnudagur – Ribeye-nautasteik og meðlæti og karamellu-tiramisu í eftirrétt
„Sunnudagar eru dagar fyrir samveru fjölskyldunnar og þá er ekkert betra en að fá sér góða steik og njóta með fjölskyldunni. Síðan er lag að bjóða upp á girnilega eftirrétt. Þessi karamellu-tiramisú er eitthvað sem mun slá í gegn eftir allar ljúffengu máltíðir vikunnar.“
Tengdar fréttir
Uppskriftir
Forsetinn líti yfir axlirnar á þingheimi
Tveggja mánaða flandur um Nýja-Sjáland
Laugavegur hjólaferðamannsins að fæðast
Frambjóðendur skila inn listum í Hörpu
Norskur lögreglumaður dæmdur
Ólíkt ákall fólks á landsbyggðinni
Þyngri refsing fyrir að nauðga stjúpdóttur æskuvinar
Kaldasti veturinn kom að óvörum