Matur | mbl | 28.7.2019 | 18:04

Geggjuð kjúklingasamloka með frábæru meðlæti

Góðan daginn girnilega samloka! mbl.is/Chelseasmessyapron.com

Við fáum ekki nóg af samlokum sem þessum. Henta við öll tilefni þegar hungrið lætur í sér heyra og við þurfum að bregðast við í hvelli. Hér er ein girnileg með kjúklingasalati og pestó og síðan bætir þú við þeim hráefnum sem þú kýst á þína samloku - osti, tómötum, salati, avocadó eða það sem hugurinn girnist.

Bragðgóð kjúklingaloka með pestó

3 bollar tilbúinn kjúklingur, skorinn í litla bita
1 krukka grillaðar papríkur
½ bolli grænt pestó
1 bolli gott majónes
½ bolli möndluflögur
Gott brauð
Annað sem þú vilt á samlokuna: t.d. ostur, tómatar, salat, avocadó eða jafnvel söxuð steinselja

Aðferð:

Skerið papríkuna smátt og veltið upp úr kjúklingnum, pestóinu, majónesi og möndlum.
Saltið og piprið eftir smekk. Kryddið jafnvel með steinselju.
Smyrjið fyllingunni á brauðið og bætið því grænmeti eða öðru meðlæti sem þú kýst á samlokuna.