Matur | mbl | 1.10.2018 | 14:14 | Uppfært 19:26

Pottréttur sem getur ekki klikkað

mbl.is/Einn, tveir og elda

Haustið er hin fullkomna árstíð fyrir góða og matarmikla pottrétti. Þessi hér er það sem kallast algjör negla enda er hann í senn bragðgóður, vinsæll, hollur og matarmikill. Hann kemur úr smiðju Einn, tveir og elda og ætti því ekki að klikka.

Korma-lambapottréttur

Fyrir tvo

400 gr. lambagúllas
165 gr. kókosmjólk
2 msk. Patak‘s Korma paste
1 stk. laukur
1 kjúklingakraftsteningur
100 gr. sveppir
100 gr. spínat
100 gr. hrísgrjón (hægt að skipta út fyrir meira spínat eða blómkálsgrjón til að gera réttinn LKL-vænan)

Aðferð:

1. Skerið laukinn í bita og hitið 100 ml af vatni í potti ásamt kjúklingakraftinum.

2. Hitið 2 msk. af ólífuolíu á pönnu og mýkið laukinn á pönnunni í 1-2 mínútur. Bætið þá kjötinu út á og steikið í 5 mínútur til viðbótar.

3. Bætið sveppum og korma maukinu út á pönnuna og steikið í 1 mínútu, bætið þá kókosmjólkinni og soðinu út á, lækkið hitann niður í miðlungshita og leyfið þessu að malla í 20-30 mínútur.

4. Hitið 700 ml af vatni í potti að suðu ásamt 1 tsk. af salti. Sjóðið hrísgrjónin í um það bil 15 mínútur eða þar til fullsoðin.

5. Berið lambapottréttinn fram á hrísgrjónabeði með spínatinu, njótið vel!