Nú er hægt að nálgast niðurstöður skoðanakannana sem hafa verið gerðar vegna komandi forsetakosninga á einu mælaborði. 

Ráðgjafafyrirtækið Expectus er á bak við framtakið og er mælaborðið unnið úr gögnum frá mbl.is, Hagstofu Íslands og Vísi.

Sjá mælaborðið.

Núverandi kosningar og söguleg gögn

Notendur sjá niðurstöður kannana mismunandi miðla og geta einnig skoðað söguleg gögn um forsetakosningar á Íslandi.

Giovanna Steinvör Cuda, gagnasérfræðingur hjá Expectus, vann mælaborðið.

„Forsetakosningar eru í brennidepli í öllum fréttamiðlum og er flóran af frambjóðendum mikil. Gögnin voru tekin saman til gamans til að fylgjast með hvernig frambjóðendur eru að koma út úr nýjustu könnunum og breytingar frá fyrri könnunum,“ er haft eftir henni í tilkynningu frá fyrirtækinu. 

„Mælaborðið sýnir einnig sögulegar niðurstöður forsetakosninga á Íslandi frá upphafi. Það er ógrynni af gögnum hjá hjá Hagstofu Íslands og hjá hinum ýmsum fyrirtækjum, sem geta skilað miklum verðmætum ef sett eru rétt fram. Við hjá Expectus sérhæfum okkur í því.“

Tengdar fréttir

Forsetakosningar 2024

Fyrstu viðbrögð við kappræðunum

• „Ég ætla bara að eyða eins miklu og ég get“
• Halla svarar fyrir útgjöldin hjá Orkustofnun
• Fólki heimilt að kjósa oft í forsetakosningunum
• „Ég er ljón. Ljónin berjast og ég er að berjast að fá frið í heiminum“

» Fleiri tengdar fréttir

• Blogga um frétt