Veður skyggir á vefmyndavélar
Geir Áslaugarson
Setja bókamerki
Slæmt veður skyggir á vefmyndavélar Veðurstofu Íslands hjá gosstöðvunum við Sundhnúkagíga og hindrar flug yfir svæðið.
Staðan á gosinu er þó með svipuðu móti og hefur verið undanfarið og engar sýnilegar breytingar í kortunum.
„Við gerum þó ráð fyrir að gosið sé enn í gangi,“ segir Hildur María Friðriksdóttir, sérfræðingur á sviði jarðskorpuhreyfinga hjá Veðurstofu Íslands.
Veður hindrar flug
Hildur María segir skjálftavirkni vera litla og þenslu með sama móti og undanfarið.
Spurð út í framhaldið varðandi annað gos segir hún: „Við búumst í raun og veru ekki við neinu í dag eða á næstunni. Við viljum bara hafa vaðið fyrir neðan okkur og erum öllu viðbúin.“
Hún segir engin fundarhöld á dagskrá í dag varðandi gosóróa og segir engin flug á dagskrá yfir gosstöðvarnar, enda ekki veður til þess.
„Af því að það eru engar breytingar að sjá þá eru allir nokkuð slakir yfir stöðunni núna,“ segir hún.
Stjórnvöld hafa tvo mánuði til að bregðast við
Um 5.000 milljarðar í enduruppbyggingu
Ekki tekið heiðarlegt samtal við ríkisstjórnarborðið
Sautján greinst með kíghósta
Skila vonandi tillögum til dómsmálaráðherra í dag
Hluti peninganna kominn í leitirnar
„Eyddi nánast allri nóttina í þetta“